Pasi që janë bërë analizat e detajuara të ujit nga liqeni i Graçanicës, për çka është ndërprerë furnizimi me ujë nga Ujësjellësi i Prishtinës, është konstatuar se uji është i pastër dhe qytetarët nuk kanë arsye për shqetësim.
Gradualisht ka filluar furnizimi me ujë nëpërmjet rrjetit të furnizimit me ujë për të gjitha vendet që janë pa ujë këtë mëngjes, kështu që Komuna e Graçanicës i fton banorët që në shtëpitë e tyre ta shkarkojnë ajrin nga tubacionet e ujit për të shmangur krijimin e dëmeve në rrjet dhe për të mundësuar vazhdimin e furnizimit të rregullt me ujë.
Furnizimi me ujë është ndërprerë në mëngjes në komunën e Graçanicës, duke përfshirë të gjitha fshatrat përreth, Çagllavicën, pjesën më të madhe të Prishtinës, Hajvalinë dhe të gjitha vendet që furnizohen me ujë nga liqeni i Graçanicës përmes Ujësjellësit të Prishtinës për shkak të dyshimit se uji është i helmuar.
Uji në liqenin e Graçanicës nuk është i kontaminuar siç është dyshuar fillimisht dhe pse këtë mëngjes është ndërprerë furnizimi me ujë, është raportuar Komuna e Graçanicës nga Instituti i Shëndetit Publik të Kosovës.
