Fushata “Muaji i gjelbër”, e cila do të zgjasë deri më 5 qershor, kur shënohet Dita Botërore e Mjedisit, vazhdoi sot me mbjelljen e pemëve dhe rregullimin e parqeve.
Drejtorët e drejtorive komunale dhe përfaqësuesit e Organizatës turistike morën pjesë sot në aksionin e mbjelljes së pemëve pranë Qendrës së shkollave të mesme në Llapllasellë.
Në ditët në vijim do të organizohet rregullimi i shtratit të lumit Graçanka, rregullimi i parqeve dhe sipërfaqeve të gjelbra në Komunën e Graçanicës, ndërsa si pjesë e fushatës do të organizohet edhe një konkurs arti “Imagjinatë e gjelbër – Planet i pastër”.
Fushata është planifikuar të përfundojë më 5 qershor, Ditën Botërore të Mjedisit, me vizitë me biçikleta “Rrethi i gjelbër”.
Fushata “Për një Graçanicë më të shëndetshme dhe më të pastër” zbatohet bashkërisht nga Komuna e Graçanicës, Organizata turistike e Graçanicës, Ndërmarrja publike-komunale “Ekologjia”, OJQ-ja “Iniciativa rinore e Graçanicës” dhe Inkubatori social i Graçanicës, si dhe RTV Graçanica.
