Vera kulturore argëtuese 2024, si pjesë e aktiviteteve të programit “Ditët e Komunës së Graçanicës”, gjatë muajit gusht do të jetë e mbushur me aktivitete të shumta kulturore, sportive dhe argëtuese.
Nën patronatin e Komunës së Graçanicës, organizata joqeveritare CSD, së bashku me 12 organizata dhe shoqata të tjera po e zbaton programin “Ditët e Komunës së Graçanicës”, ndërsa Vera argëtuese kulturore si pjesë e atij programi do të jetë e mbushur me sërë ngjarjesh të shumta nga sot e deri më 28 gusht kur shënohet Zonja e Madhe.
Punëtoritë artistike, mbrëmjet e poezisë, monodramat dhe panairi i kulturës dhe traditës janë vetëm një pjesë e këtyre ngjarjeve gjatë muajit gusht.
Sot dhe nesër hapet punëtoria e artit dhe punëtoria e terrakotes, ndërsa më 8 gusht në Llapllasellë do të mbahet manifestimi tradicional “Duart e arta të vajzës kosovare”.
Gjithashtu, planifikohet të mbahet turneu përkujtimor i peshkimit “Boban Marinkoviq”, turneu i basketbollit, monodrama “Vetëm kundër NATO-s”, ndërsa Panairi i traditës dhe kulturës do të mbahet në ditën e Zonjës së Madhe.
Sponsor gjeneral i programit është Komuna e Graçanicës.
