Drejtoria e Bujqësisë dhe Pylltarisë e Komunës së Graçanicës njofton fermerët se Ministria e Bujqësisë, Pylltarisë dhe Zhvillimit Rural, konkretisht Agjencia për Zhvillimin e Bujqësisë, në mbështetje të fermerëve përmes Programit të pagesave direkte për vitin 2025, e ka zgjatur afatin e aplikimit deri më 19.05.2025 në orën 16:00 (e hënë).
Thirrja e hapur për aplikim prej 03.04.2025 deri më 02.05.2025 në orën 16:00 (30 ditë kalendarike) do të zgjatet për 15 ditë shtesë.
Mbështetja për fermerët përmes Programit të pagesave direkte – Subvencionet 2025 do të bëhet për këto kultura dhe aktivitete bujqësore: sipërfaqet e mbjella me grurë dhe sasia e grurit të prodhuar/dorëzuar; sipërfaqet e mbjella me elb; sipërfaqet e mbjella me tërshërë; sipërfaqet e mbjella me misër; sipërfaqet e mbjella me lulediell; vreshtat ekzistuese të rrushit të verës dhe rrushit të tryezës; verën e prodhuar dhe të deklaruar zyrtarisht; pemishtet ekzistuese; sasinë e dorëzuar/shitur te frutave të mjedrës; prodhimtarinë e materialit fidanor të pemëve drufrutore dhe hardhisë se rrushit; sipërfaqet e mbjella me perime; prodhimtarinë organike; bimët mjekësore dhe aromatike; lopë qumështore; buallica qumështore; mëshqerra për riprodhim; dele dhe dhi qumështore; bletë; pula vojse; dosa për riprodhim.
Mënyra e aplikimit:
Aplikimi bëhet në zyrat e Drejtorive Komunale për Bujqësi. Në rastet kur fermerët aplikojnë për disa kultura apo aktivitete bujqësore, plotësohet dhe dorëzohet vetëm një aplikacion.
Dokumentacioni për aplikim duhet të dorëzohet në dy kopje dhe brenda periudhës së aplikimit. Dorëzimi i dokumentacionit pas përfundimit të afatit të publikuar nuk do të pranohet për shqyrtim.
Për kriteret dhe dokumentacionin e nevojshëm për aplikim, mund të merren ne web faqen e MBPZHR-se, www.mbpzhr.rks-gov.net dhe në web faqen e AZHB-se, www.azhb-ks.net, si dhe në Drejtoritë Komunale për Bujqësi.
Kjo zgjatje po bëhet pas kërkesave të shumta nga drejtoritë bujqësore komunale dhe fermerët, duke u mundësuar të gjithë fermerëve që nuk kanë pasur kohë të aplikojnë deri më tani.
